Thrain frae the Pinkie-bairn
(for his mammie)

Ye murn me yet nivir kent me.
And I wi no time e’en for a pech o this douth day.
Ye hae tyned whit ye canna scarce ween tae hae passed.
Cuid I hae been sauntly, or ill-gein deil?
Wad ye hae loued the bairnie then?
Sae noo I’m awa tae traipse a gate
my mithir and faither yit nae ken.
And the thread tae flaucht us nae stark enough
for poust tae keep me by ye,
will surely hae maucht tae wice ye hame tae me
when it comes tae it.

Jane Patience

%d bloggers like this: